【馬來西亞雪邦12小時耐力賽2025 Champion Motor Sport 奪得組別亞軍！】

今場我哋嘅隊友有休息咗幾年嘅Philip，賽車界新丁陳生，Smart 同埋新加坡隊友Roy Tan

同場其他組別車手均為廠車手及擁有多年賽車經驗嘅Pro driver，其中就有大家熟悉嘅方駿宇同黃日昇，好開心可以再一次能夠同場競技！

馬來西亞當日有成30幾度，車箱溫度直迫7-80度，呢部亦係全場唯一一部冇冷氣嘅賽車.各位賽車手係憑着意志去揸呢一場比賽！你哋真係好犀利！

能夠完成一個12小時嘅GT3耐力賽一啲都

唔容易，雖然一開始有意外發生，車隊好快已經處理好！

一個專業嘅團隊真係好重要！賽事係12小時，但工作人員工作時間比車手耐好多，賽前幾個月已經開始準備，例如人手、Spare零件、工具……

辛苦所有車隊成員及工作人員喺咁炎熱嘅天氣成33度之下工作

今次Smart 嚟到Sepang 安排左場GT3嘅比賽，組隊啦、搵咗隊友啦、有一個新人啦，又要安排好部車啦，可以完成12個鐘既耐力賽，其實都都幾吃力架。

耐力賽唔單止追求個速度，仲要我哋成個團隊既合作性啦，每個車手嘅合作啦，缺一不可！

我哋每一個人都做好自己嘅本分！成績就會好好架啦！

不知不覺Smart賽車都差唔多有20年經驗啦！

而家好想為賽車界做好一件事啦，帶領好多新人可以做賽車手啦，睇住佢地成長，佢都好開心，好有滿足感架！

Smart 既夢想係攪一個屬于自己嘅車隊啦，帶領新人一齊上頒奬台啦！